Народниот правобранител, согласно своите уставни и законски надлежности, достави иницијатива до Владата на Република Македонија за измени на Законот за државни службеници, во делот кој се однесува на начинот на зголемување на платите во однос на минатиот труд на вработените во државната администрација.
Имено, Народниот правобранител смета дека зголемувањето на платите на вработените во државната администрација само врз основа на нивната стручна спрема, а не и врз основа на минатиот труд е дискриминаторско во однос на другите вработени кои немаат статус на државни службеници, на кои во рамките на зголемувањето на платите им се зема предвид и минатиот труд.
|